The World Scout Jamboree on The Internet (JOTI) – Светско извидничко џамбори на интернет, е меѓународна извидничка средба на интернет која се одржува секоја година во третиот викенд во октомври. Тоа е официјана активност на Светската извидничка организација (WOSM). Во овој викенд се среќаваат илјадници извидници од целиот свет  кои меѓусебно комуницираат со помош на интернет, користејки ги сите достапни технологии од web пребарувачи, до е-маил адреси, микрофони, дигитални фотографии, скенери…..   Сите информации во врска со овогодишниот ЈОТИ можете да ги најдете на официјалниот сајт на ЈОТИ на следната адреса www.joti.org .

 

 

Учество на ЈОТИ
Четување – ова е најпопуларната активност на ЈОТИ. Можност да комуницирате со извидниците од целиот свет во реално време на повеќе од  50 различни канали. Деталните информации како да пристапите на каналите и како да дојдете до потребниот софтвер можете да ги најдете на официјалниот сајт на ЈОТИ

Меѓународната смотра на извидници на интернет е идеална можност, да илјадници извидници од различни краеви на Светот во исто време да разменуваат знаења, да учат еден од друг, да разменуваат информации и идеи за реализирање на голем број на активности, проекти,  да планираат заеднички меѓународни активности, да разменуваат литература, песни, љубовни писма….  Сите ние извидниците имаме исте цел ….. Создавање на подобар свет. 

Регистрација
Сите учесници на овогодишното ЈОТИ се должни да се пријавата на Worldwide JOTA-JOTI Registration Sistem*. Овој систем  ќе ви овозможи пристап на неколку сервиси (Контакт листи специјализирани за ЈОТИ електронски адреси, валидациони картици, сертификат за учесници, weblog….) кои се понудени на учесниците.

Контакт листи
Извидниците од вашите одреди или самите одреди преку овој систем можат да оставаат пораки и да предложат со кој или со која организација може да стапат во контакт. Овде би требало да се користи својата ЈОТИ електронска адреса на која  ќе ви пристигне порака за добредојде, а со самото тоа ќе се потврди и Вашата регистрација.

Ова е доста важен систем за сите учесници на ЈОТИ. Овие адреси се бесплатни и предвидени се исклучиво за времетраењето на ЈОТи. Адресите ќе бидат достапни неколку денови пред почетокот на ЈОТИ додека пак по завршувањето на ЈОТИ ќе бидат одстранети.

Сите учесници или групи учесници на ЈОТИ може да побараат и да добијат свој личен сертификат како доказ дека учествувале на ЈОТИ. Сите оние кои ќе го побараат овој сертификат  ќе добијат адреса од која ќе можат да го превземат и после тоа да го одштампаат….

Секој учесник или група на учесници може да праќаат или примаат електронски картички, со што ќе докажат дека оствариле одреден контакт (по пат на е-маил или со четување) со некој друг учесник или група на учесници. Секако, вие можете да направите сопствена лична карта или лична карта на својата единица.