Седумте дена на кампот на приaтелство Вучје 2010 поминаа во забава и другарување. Како учесници беа застапени извидници од одредите “Браќа Миладиновци”, “Јадран”, “М.М. Брицо”, “П.С.И.О”- од Скопје “Крсте Јон”- Струга “Димитар Влахов”- Велес, додека од Србија учествуваа извидници од одредите “Краљ Петар Први”- Ниш, локалниот одред од Мирошевце и како домаќини извидници од одредот “Никола Скобаљиќ” од Вучје. Овој камп беше организиран за полесно преку игра и забава да ги запознаеме нашите другари со некои поважни работи за извидниците како што се: Давање на Рапорт за отварање и затварање на акција, јазли, општо извидништво, униформирање итн.

Како и во секој камп на пријателство беа набавени материјали за правење на инвентар, такашто сите извидници земаа учество и доброволно прифатија заедно да помогнат во правењето клупи и куќички за птици. Во слободното време се забавувавме и игравме многу извиднички игри во кои можеше да се почувствува уживањето на децата кои за прв пат беа запознаени со нив. Исто така се одржи еден мал поход кој беше наменет за чистење на околината околу хидроелектраната во Вучје, како што би ја покажале нашата љубов кон природата. На овој камп како што известивме предходно од нашиот извиднички одред “Димитар Влахов“ учествуваа Елиф Шакирова, Лилјана Јошевска  и Бојан Миклош. До следно видување ве поздравувам со извиднички поздрав ЗДРАВО!!!