На 21.03.2026 год. членовите на извиднички одред “Димитар Влахов“ – Велес учествуваа на традиционалната акција организирана од страна ИПО Јадран “Поздрав на Пролетта – Светот на извидниците во еден ден“ која се одржа во извидничкиот дом на ИПО “Јадран“ – Скопје, во Катлановска Брезица.

На оваа акција учество земаа повеќе од 100 извидници од Скопје , Свети Николе и Велес. Акцијата беше од забавен карактер, каде што нашите членови стекаа нови знаења, искуства и создадоа нови другарства. Преку учество на овој настан, извидниците имаа можност:
• да се запознаат со култури од различни земји
• да научат повеќе за историјата и традицијата на извидничкото движење
• да развијат тимска работа и соработка
• да стекнат нови пријателства со извидници од други одреди

Од извиднички одред “Димитар Влахов“ – Велес земаа учество Катерина Гушева, Љупче Неделковски, Вања Андова и Стефан Несторовски , а одговорен за нив беше нашиот началник Иван Гушев.

Концепт на овој настано беше така осмислен така што учесниците беа поделени во мешани патроли и ротираат низ неколку тематски контролни точки кои се наменети да ги збижат со
културите на извидниците надвор од Македонија.
Активностите вклучуваат:
• запознавање со различни држави и култури
• игри и предизвици инспирирани од извидниците низ светот
• интерактивно запознавање со историјата на извидништвото
• практични извиднички вештини и живот во камп
• презентација на меѓународното извидничко движење и идни можности за
учество на смотри