Во периодот од 11-16ти Ноември 2015 година во Малта се одржа меѓународен тренинг –EVS BEACON.
На овој трененг кој е трета активност што Сојузот на извидници на Македонија и Сојузот на извидници на Малта во 2014 година  воспоставија партнерство кое што  се состои од организација на заеднички кампови, тренинзи и активности за млади учество зема и Јане Јанков, член на извидничкиот одред “Димитар Влахов“- Велес. Овој тренинг под називот EVS Beacon има за цел да ги запознае и обучи учесниците околу EVS (European Voluntary Service) програмата. Што е Европскиот волонтерски сервис:
– Целта на Европскиот волонтерски сервис (ЕВС) е да се развие солидарноста, и да се промовира активно граѓанство и  взаемно разбирање помеѓу младите луѓе;
– Програмата – Европски волонтерски сервис – ЕВС поддржува реализација на неформални образовни проекти кои  овозможуваат: подобра мобилност, можност за меѓу – културно учење, активна социјална партиципација, личен и  професионален развој, можност на младите луѓе да се запознаат со европските вредности, како солидарност,  различност и еднаквост со младите луѓе од цела Европа и пошироко;
– Европски волонтерски сервис им овозможува на младите луѓе да вршат волонтерска служба за период до 12 месеци  во земја различна од земјата во која престојуваат. Со неа се поттикнува солидарноста помеѓу младите луѓе и  претставува вистинска ‘служба за учење’. Покрај тоа што локалните заедници имаат придобивки, волонтерите  учат нови вештини и јазици, и откриваат нови култури.
.Во текот на тренингот четиридневната прогама беше поделена во четири сегменти и тоа:
-да се разбере вредноста на EVS
-за подобро разбирање на различните засегнатите страни вклучени во EVS проектите
-за зголемување на севкупниот  квалитет на EVS проектите
– да се создаде мрежа за размена на EVS волонтери
Во рамките на овој меѓународен трениг учествува извидници од Македонија, Бугарија, Романија,Унгарија  и Шпанија. Контигентот на Сојузот на извидници на Македонија го преставуваа: Јане Јанков од Извидничкиот одред  ,, Димитар Влахов’’ од Велес, Зоран Шиљковски од Прв Скопски Извиднчки Одред и Никола Уневски волонтер во СИМ.  При овој тренинг преставниците на СИМ утврдија дека СИМ треба најпрво да се акредитира за EVS и Ерасмуз + програмата, а потоа да се започне со реализација на проекти и размена на волонтери.

Јане Јанков