Сојузот на извидници на Македонија на 2.10.2016 год. (недела) во просториите на општината Кисела вода во Скопје го организираше своето редовно изброно собрание на кое што учество земаа сите 14 полноправни извиднички одреди со вкупно 65 делегати. На ова собрание беше избрано новото Старешинство и Старешина на СИМ. За нов старешина на СИМ е избран повторно Огнен Стефановски, а за членови на старешинство избрани се: Мико Стојановски, Влатко Влахчев, Бобан Москов, Елвис Тодоровски, Јане Илијески и Снежана Јанковиќ. Ова старешинство ќе го води Сојуз на извидници на Македонија во периодот од 2016 до 2020 година.
Во првиот дел на собранието беа преставени тековните проекти на СИМ и младинската програма Компас . А за нова полноправна членка во СИМ беше примен извидничкиот одред “Калкан“ од Тетово, а за придружна членка извидничкиот одред “Ластовица“ од Кочани.
Извидничкиот одред “Димитар Влахов“ – Велес на ова собрание учествуваше со делегација од седум членови и тоа: м-р Ангелче Гушев, Благој Ѓорѓиев, Ненад Андреевски, Трајче Темелковски, Влатко Влахчев, Ангел Радевски и Јордан Димoв.