Петмина извидници од извидничкиот одред “Димитар Влахов“ од Велес земаа учество на традиционалните Средби на извидници “Орел 2012“ во организација на извидничкиот  одред “Гоце Делчев“ од Св.Николе. Средбите се одржаа на терените на селото Орел во периодот од 21-23 септември оваа година. На овие средби сакаме да истакнеме дека патролата од Велес беше единствена патрола учесник на средбите. Домакинот, извидничкиот одред “Гоце Делчев“ – Св.Николе, со овие средби го одбележа четириесет годишното постоење на одредот. Патролата на велешкиот одред беше во состав: Влтако Влахчев, Благој Ѓорчевски, Ангел Јорданов, Никола Аксентиев и Слободан Димовски.