Во организација на Сојуз на АКЦИЈАШИ и придружните членки, а со поддршка на Градоначалникот на Чашка, г-дин Горан Стојановски и ЈПКД “Тополка”, во периодот од 8-10.7.2022 год. се оддржа еко акција во Општина Чашка. Сите учесници беа сместени во извидничкиот центар “Голозинци“ , а како домакин и  поддршка беше и извидничкиот одред “Димитар Влахов“ – Велес.

Акцијата се реализирше и предвиде чистење на регионалниот пат ХС ,,Лисиче” кон с. Дреново, влезот на нас. Чашка, с. Лисиче како и кастрење на бујната вегетација на локален пат кон с. Војница.

Најголема количина од собраниот смет беа лименки, пластични шишиња и чаши, стакло, гума и автомобилски делови како и кутии од цигари, хартија, најлонски кесиња, пакувања од кондиторски производи што најтешко се разградуваат во почвата. Во дел од програмските активности на оваа акција се реализираше и чистење и уредување  на целокупната парцела на извидничкиот центар во Голозинци.