Извидничкиот одред “Димитар Влахов“ – Велес, реализирајќи ја својата програма за работа на за учебната 2014/2015 година имаше
планирано и упис на ново членство. Благодарејќи и на поддршката на Сојузот на извидници на Македонија и Фондацијата Eric Trust со новата Стратегија за развој на извидништвото во Р.Македонија и преку акциониот план помегу другото се имаше за цел да се зајакне извидничкото движење и да се изгради имиџот за извидништвото во општеството и да се постигне раст во членството на извидничката организација. Имплементирајќи ги стратешките задачи и обезбедување на средства и механизми,  Сојуз на извидници на Македонија даде поддршка на извидничкиот одреди “Димитар Влахов“ – Велес,  да организира неколку отворени јавни настани преку кој одретот од Велес го промовираше и презентираше извидништвото во својата локална заедници, помегу младите, партнерите и јавноста, а со тоа и ќе регуртира нови членови во извидничката организација.
Во рамките на оваа промоција беа организирани неколку јавни телевизиски настапи на локалната ТВ Канал 21 и државната ТВ Сител. Воедно беше изработен и спот и постер преку кои се презентираше извидништвото во Велес. Како резултат на тоа, редовите на извидничкиот одред “Димитар Влахов“ – Велес се зголемени со повеќе од шеесет нови регрутирани извидници кои доаѓаат од ООУ “Васил Главинов“ и ООУ “Св.Кирил и Методиј“ од Велес. Регрутацијата продолжува и понатаму во преостанатите три основни општински училишта и четирите средни училишта во гардот. Оваа нова генерација на извидници на 7.12.2014 год. (недела) во извидничкиот центар “Голозинци“ во село Голозинци, ќе го даде и својот свечен извиднички Завет.