Зима 2007, ситни денови пред новогодишните празници … се роди една адреса (домејн) која што значеше извидничка информација. Се роди www.scoutveles.org.mk… се роди единствениот извиднички сајт во Македонија. Полека, со мали проблеми, со мали нејаснотии членовите на извидничкиот одред започнаа да го одгледуваат малото милениче, извидничкиот сајт. Тогаш паралелно со нашата одредска ревија “ИЗВИДНИЧКИ РТЕПОРТЕР“ официјалниот сајт на извиднички одред “Димитар Влахов“ пласираа единствени извиднички информации од Република Македонија. Ден за ден, месец за месец ова официјално гласило се надградуваше се полнеше со информации. Преку него информиравме, пофалувавме, објавувавме, критикувавме.  На сите страни на сајтот беше објавувано само она што значеше извидништво, она што значеше програмски активности на извиднички одред “Димитар Влахов“ од Велес. На сајтот беа презентирани сите оние активности кои што како одред гордо ги работевме, a   преку нив го промовиравме нашиот град Велес и нашата Македонија. Секаде каде се појавуваме задолжителен алат и прибор беше дигиталниот апарат за да ги забележи сите моменти кои требаша веднаш да се појавата на нашата веб страна.  Продолжуваме понатаму да објавуваме и да информираме, а со тоа да го популаризираме извидништвото во Македонија. Продолжуваме понатаму …