Извидничкиот одред “Димитар Влахов“ – Велес на 6.5.2017 год. (сабота) зема учество на третото  коло од извидничката лига во организација на Сојуз на извидници на Македонија.  Овој настан беше организиран од страна на извидничкиот одред “Феникс“ од Прилеп и тоа под името “Прилеп те повикува“. Велешките извидници земаа учество со патролите “Гемиџии“ и “Летечки лисици“ во категоријата истражувачи.  Во составот на патролата “Гемиџии“ учество земаа: Благој Ѓорѓиев, Трајче Темелковски, Теодор Ѓорѓиев и Мартин Голчев, а во патролата “Летечки лисици“ учество земаа: Сара Нунеска, Иван Гушев, Даниел Димов и Ева Кантарџиева. Натпреварите беа од областа на урбана ориентација во месноста Маркова чешма  во близина на Прилеп.