Со Vip Combo Box уредите кои беа доделени во одредите ширум Македонија ќе се воспостави бесплатен интернет пристап за извидничките одреди ширум Македонија, со што ќе им се олесни организацијата и реализацијата на работните активности кои се дел од нивните годишни извиднички програми и планови.
Воедно вакови уреди ќе бидат поставени и во извидничките домови кои ги поседуваат извидничките одреди во Македонија. Така и извидничкиот одред “Димитар Влахов“ – Велес доби два уреди наменети за во извидничката канцеларија во Велес и еден за извдиничкиот центар “Голозинци“. Со поставување на уред во извидничкиот центар во Голозинци се зголемува и квалитетот на самиот центар. Соработката помеѓу оне.Вип и Сојуз на извидници на Македонија започна за време на 12-та Извидничка смотра која се одржа во охридското село Скребатно, за време на која операторот овозможи целосна мрежна и интернет покриеност, со што беше овозможена подобра и побрза комуникација помеѓу самиот организатор и преку 1.000 учесници на овој светски извиднички настан и на Европската извидничка академија 2018 на која учествуваа повеќе од 200 учесници од 40 европски земји, а за кои оне.Вип обезбеди бесплатни припејд картички, кои на гостите од странство им овозможија да бидат во контакт во секое време и да го истражат главниот град, посетувајќи негови значајни историски и културни објекти, но и модерни локали, од кои истите беа навистина воодушевени. Овој настан беше само поводот и почетокот на поддршката која и понатаму ќе ја пружаат од операторот.