Врз основа на одлуката на Општина Велес за основање на Совет на млади, на седницата на Советот на Општина Велес одржана на 19.5.2015 год. беа именувани членовите  на Советот на млади на Општина Велес. Меѓу девете членови на Советот на млади на Општина Велес со мандат од четири  години изгласан е и Началникот на извиднички одред “Димитар Влахов“ – Велес, Благој Ѓорчевски  како преставник на невладините организации на Велес. Со именувањето на Благој Ѓорчевски во Советот на млади на Општина Велес уште еднаш се докажа квалитетната работа на нашата младинска организација која што опстојува на територија на Општина Велес повеќе од 60 години и во текот на сите изминати години активно е вклучена во решавањето на младинските проблеми и потреби на Велес.