Остварувајќи ја својата програма за работа Извидничкиот одред “Димитар Влахов“ – Велес, ги организираше XXXVI Средби на извидници Голозинци 2022, кој  се одржаа во периодот од 9 до 11.09.2022 год. во извидничкиот центар Голозинци во истоименото село. На средбите учество земаа повеќе од 150 извидници од Република Македонија (Скопје, Прилеп, Штип, Кичево, Куманово, Виница, Кочани, Битола) и Република Србија (Ниш).

Средбите на извидници беа програмски организирани во насока на живот во природа, неформално образование, ориентација и топографија во непознат терен, прва помош и исхрана во природа. Со овие средби извидничкиот одред “Димитар Влахов“ ја  започна прославата по повод 100 години скаутизам во Велес 1922 – 2022, 70 години извиднички одред “Димитар Влахов“ и прослава по повод денот на Државноста на Република Македонија.

По завршувањето на XXXVI Средби на извидници беа постигнати следните резултати и тоа во категоријата на истражувачи и ровери првото место го освои патролата на ИО “Скаут“ од Куманово, второ место патролата на ИО “Мија Станимировиќ“ од Ниш Република Србија и третото место патролата на ИО “Еквинокс“ од Штип

Додека пак во категоријата на извидници прво место патролата на ИПО “Сидро“ од Скопје, второт место патролата на Првиот скопски извиднички одред и третото место патролата на ИО “Еквинокс“ од Штип

Покрај ова беа додели и пакет на извидничка литература за најдобро изработените материјали кроки, извештај на дел од помината патека, итенерер на минско поле, скица не дел од помината патека и скица на контролна точка .

На крајот сакаме да нагласиме дека сите учесници на XXXVI Средби на извидници од извидничките одреди ширум Република Македонија и Република Србија имаа можност да се дружат во Младинскиот центар во Велес, да се запознаат меѓу себе и да изработат знак со еко порака. При пристигнувањето учесниците беа запознаени со тоа што е Младински центар, како тој работи, но и кои се можностите што ги нуди центарот.