Во рамките на Јавен повик за прибирање на барања  за распределба на средствата од Буџетот на Република Македонија за 2008 година, наменети за финансирање на програмски активности на здруженија на граѓани и фондации, невладините организации во Македонија можеа да  конкурираат со предлог проекти кои се однесуваат на следниве стратешки приоритети:

– Развој на демократијата;
– Подигнување на квалитетот на меѓуетничките односи;
– Подобрување на условите на граѓаните за квалитетен и здрав живот преку вложување во учењето и усовршувањето, здравјето и културата;
– Доследно почитување на човековите права.
– Развој на економијата
– Борба против корупцијата и организираниот криминал
Со одлука на Владата се изврши распределба на 15.000.000,00 денари од планираните средства од Буџетот на Република Македонија за 2008 година, наменети за финансирање на програмските активности на здруженија на граѓани и фондации, како учество на Републиката во финансирањето на 83 здруженија на граѓани и фондации
Извидничкиот одред “Димитар Влахов“ поднесе апликација со предлог проектот “Да, јас сум волонтер“ кои што воедно беше и финансиран од страна на Владата на РМ.
    Во рамките на овој проект ќе се реализира едукативен камп каде што учесниците ќе се едуцираат од областа на волонтеризмот и помошта на заедницата.
    Сите 83 добитници можете да ги погледнете тука .