На 9.7.2016 год. (сабота) Советот на млади на Општина Велес ја одржува својата прва свечена седница по повод првиот роденден на ова општинско тело во чиј состав покрај претставници на младинските организации во Велес, учество имаат и многу млади велешани.
Свечената седница имаше за цел да го одбележи едногодишното постоење на Советот на млади на Општина Велес, како и да го потпише меморандумот за соработка со младинската иницијатива „Сакам-Можам“ од Долни Милановац, Република Србија со што Советот веќе започна да функционира и меѓународно. На свечената седница учество земаа и петмина извидници членови на извидничкиот одред “Димитар Влахов“ и тоа: Благој Ѓорѓиев, Елена Стумбова, Симона Тодорова и Кристијан Јорданов и Ангела Чејкова. На извиднички одред “Димитар Влахов“ – Велес на оваа седница му беше доделена и Благодарница за активна соработка, поддршка и унапредување на развојот на младите и младинските политики како и остварување на нивните цели, идеи и предлози во соработката со Советот на млади на Општина Велес. Целта е да го презентираме она што Советот успеа да го спроведе изминатата година, кои проекти и идеи беа реализирани, како и да им се заблагодариме на луѓето без кои се ова не би било реалност.