Подготвувајќи ја свечената академија по повод 70 години извиднички одред “Димитар Влахов“ – Велес изврши измена и дополнување на Правилникот за доделување на признанија. Следејќи го развојот на одредот и генерациите кои доаѓаат но и генерациите кои заминуваат Старешинството на одредот направи измени и донесе одлука за доделување на три нови признанија на извиднички одред “Димитар Влахов“ – Велес.

Првото признаие е:

“ЗНАЧКА НА ИЗВИДНИЧКИОТ ОДРЕД „ДИМИТАР ВЛАХОВ“ “ е јубилејно признание на одредот која
се доделува на извидници, членови на одредот кои се активни најмалку 10 години, а кои со својата непрекината работа во последните две години допринеле за остварување на програмата за работа на одредот и совесно извршување на должностите во рамките на одредот како и за залагање и постигнување на резултати од големо значење за одредот.

Второто признание е:

‘‘МЕДАЛ НА ИЗВИДНИЧКИОТ ОДРЕД ДИМИТАР ВЛАХОВ‘‘ е јубилејно признание на извидничкиот одред ‘‘Димитар Влахов‘‘ кое се доделува на извидници, членови на одредот кој се активни најмалку 15 години, а кој со својата непрекината работа во последните две години допринеле за остварување на програмата за работа на одредот и совесно извршување на должностите во рамките на одредот како и за залагање и постигнување на резултати од големо значење за одредот.

Третото признание е:

„МЕДАЛ ЗА ОСТВАРУВАЊЕ НА ТРАЈНИ ВРЕДНОСТИ ЗА ИЗВИДНИЧКИОТ ОДРЕД ДИМИТАР ВЛАХОВ“ е јубилејно признание на извидничкиот одред ‘‘Димитар Влахов‘‘ кое се доделува на извидници, членови на одредот, кои за време на своето активно членување со својата работа и залагање постигнале резултати кои оставиле трајно значење за одредот.