35 Меморијал “Марко Граорковски“ се одржа во периодот од 23 до 25 мај 2008 година во прекрасниот предел на селото Катлановска Брезица во општина Петровец – Скопје. Домакин на овој меморијал беше извиднички поречански одред “Јадран“ од Скопје. Натпреварите беа наменети за две категории извидници и тоа за помлади извидници (1994 – 1997 год.) и извидници (1993 – 1988).

Сите учесници се натпреваруваа во следните дисциплини и тоа: пронаоѓање на КТ на карта и во природа, подготовка на извештај, цртање на скица на движење под азимут, усмена порака, тестови од извидништво, прва помош и општа култура, дешифрирање на порака. Покрај ова имаше и полигонски натпревари и тоа: морзе, семафор, шатори, фати го јајцето, пикадо, куглање, панорамски цртеж, движење под азимут. На овој 35 Меморијал, покрај домакините учество земаа извидници од ИО “Димитар Влахов“ од Велес, ПСИО, ИПО “Галеб“, ИО “Браќа Миладиновци“ сите од Скопје, ИО “Скаут“ од Куманово, ИО “Крсте Јон“ од Сруга и ИО “Наум Наумовски – Борче“ од Крива Паланка.

Патролата “Зет“ составена од помлади извидници од ИО “Димитар Влахов“ од Велес го освои првото место додека пак второто и третото место го освоија патролите на ИО “Браќа Миладиновци“ од Скопје.

Во категоријата – извидници првото место го освои патролата на ИО “Браќа Миладиновци“.