Извидничкиот одред “Димитар Влахов“ – Велес, на покана на извидничкиот одред “Браќа Миладиновци“ од Скопје , на 14.11.2015 год. (сабота), по повод Денот на ослободување на град Скопје, со дванаесет извидници или три патроли од  извидници и развигорци земаа учество на традиционалната акција “Извидниците за својот град“. На оваа извидничка акција извидниците се натпреваруваа во голем број на извиднички дисциплини, а на истата учество земаа пеесетина патроли на развигорци и помлади извидници. Велешките извидници во рамките на натпреварувачккиот дел во категоријата извидници го освоија третото место. По освојувањето на второто место на Државниот извиднички ориентационен натпревар, ова е нов успех на Велешките извидници, со што се докажува квалитетната работа на членовите на извидничкиот одред “ Димитар Влахов“- Велес.