Извидници од велешкиот одред “Димитар Влахов“ од Велес учествуваа на Третата ревија на Сојузот на извидници на Федерацијата БиХ, на која од јули се собраа извидниците од Босна и Херцеговина, Србија, Хрватска, Црна Гора, Македонија, Словенија и Романија и тоа во периодот од 15 до 22 на Борачко езеро. Учесниците на смотрата престојуваа во пет кампови чии домаќини беа извидничките одреди „Неретва“ Коњиќ, „Стари град“ Мостар, „Неретва“ Мостар, „Радоболја“ Мостар и Сојузот на извидници на град Зеница. Извидниците се согласуваат дека нивните денови поминати на Борачкото езеро биле исполнети со среќа, дружење, пишување убави страници од животот, создавање нови пријателства и нови вредности.

Иван Гушев, началник на одредот “Димитар Влахов“ го коментираше прегледот на кој на едно место се собраа околу 800 извидници од седум земји.
-Тоа значи дека имаме прекрасна младина.Младите живеат сосема нормален, креативен, вистинит живот. Тоа е манифестација на луѓе кои сакаат благосостојба кон себе и на својата околина – рече Иван Гушев. Учесниците на смотрата имаа можност да ги покажат своите извиднички знаења и вештини, да запознаат разлики, да учат едни од други и едни за други и да создадат нови и да ги зајакнат старите пријателства.

Иван Гушев во продолжение изјави , “го поминавме адреналинскиот парк, полигонот за умешност, имавме извиднички натпревар, Олимпијада на вода, натпревар на плажите на Борачко езеро, возевме кануа, игравме фудбал, одбојка, се натпреварувавме во стрелаштво, гледавме филмови под ѕвезденото небо, а се одржаа и работилници за здрав начин на живот“
Тој додаде дека го посетиле бункерот на Тито, родното место на Зука Џумхур и Мајчин музеј, а се одржале и фестивалот на извидничка песна, концерт на отворено и меѓународен ден.

Велешките извидниц беа заедно со нашиот братски одред “Мија Станимировиќ“ од Ниш.
Судејќи според впечатоците што извидниците ги понесоа со себе, Борачкото језеро во последните денови беше оаза на другарство, љубов, забава и авантура.