Дванаесет извидници или три патроли на извидничкиот одред “Димитар Влахов“ – Велес во периодот од 20-22.9.2019 год. земаа учество на акцијата која беше насловена како “Се плашите ли од темнината“ во организација на извидничкиот одред “Методи Митевски-Брицо“ од Скопје. Целта на ова натпреварување беше ноќна ориентација и топографија. Натпреварите се одржаа во атарот на селото Говрлево-Водно во близина на Скопје.

Првата патрола именувана како “Внуците на Баба рога“ на извидничкиот одред “Димитар Влахов“ во категоријата извидници го освои третото место. Останатите две патроли “Крвав појас“ и “Трајче дрварчето“ на нашиот одред беа пониско пласирани во рамките на категоријата извидници. На ова ноќно натпреварување земаа 12 патроли од Република Македонија.