Во далечната 1948 година со законот за предвојничка обука во склоп на Гимназијата “Кочо Рацин” во Велес започнуваат да се формираат првите одделенија кои што работат активности слични на нашите, извидничките. Тие одделенија се до 1952 година работат како неформални групи за да некаде есента во учебната 1952 / 1953 година од тие одделенија се формира извидничкиот одред “Димитар Влахов”
Основач на одредот е Проф. Петар Петровски. Од самиот почеток започнуваат да се формираат извиднички единици во сите основни училишта, а за поздравување било и формирањето на единици во тогашните претпријатија Монопол и Механичка. Од 1957 година со учеството на II Смотра на извидници на Југославија, на Пале, одредот во континуитет зема учество на сите републички и сојузни смотри. Во делот на ориентационите натпреварувања патроли од одредот земаат учество во Бечеј, Бања Лука, Смедерево, Белград, Коњиц, Сараево, Смедревска Паланка, Подгорица, Ниш, Младеновац, Алексинац, Нови Сад, Загреб, Љубљана и во сите градови во Република Македонија, а треба да се нагласи и првото место во 1972 година на Сљеме (кај Зграб) на Југословенскиот извиднички ориентационен натпревар.
Во сите овие години одредот имаше и учество на меѓународни активности како што се: зимовања во Закопане – Полска, 18то Светско Џамбори во Холандија, 10от Светски Мут во Шведска, Инструкторска школа во Бохињ – Словенија, потоа учеството на Џамбори на интернет – ЈОТИ, Првиот интернационале скаутски видео филм фестивал – СВИФЕСТ во Ниш, Ликовната колинија на извидници сликари во Ковачица, учество на семинар во Кандерштег – Швајцарија, Будимпешта – Унгарија, Киев – Украина, Европската конференција во Прага – Чешка, Националното Џамбори во Германија, Ровервеј – Италија и прославата на 100 години постоење на извидничкото движење во Светското во Англија во 2007 на 21 Светско Џамбори и друго.

За посебни успеси во работата во 1971 година одредот е одликуван со “Златен јаворов лист со зраци”. За успешно спроведување на програмата одредот многупати е одликуван со “Партизански одред”, а на 45 годишнината од неговото постоење во 1998 година одредот го добива највисокот општинско признание – “9то Ноемвриска плакета”.
На 07.03.1998 година на Свечената седница на нашиот одред се изврши збратимување со ИО “Мија Станимировиќ” од Ниш со што се круниса нашето пријателство и успешна соработка.
На 05.04.2004 година извидничкиот одред Димитар Влахов го прослави своето 50 годишно постоење. На оваа прослава беше промоирана монографијата “Извидничкото движење во Велес 1953 – 2003“ и репортажата “50 години –  воспитание – образование – извидништво“